പ്രണയം

 മാനത്തെ മഴമുകിലേ മുകിലേ,

മാരിക്കുളിരായണയാമോ.

മഴനൂലായി പൊഴിയാമോ..

ഇണ മയിലായ് ഞാനാടാം..

മാനത്തെ മഴമേഘം

പെരുമഴയായണയുമ്പോൾ,

ഇണ മയിലേ ,നിന്നെ കാത്തീ-

താഴ്വരയിൽ ഞാനും കാണും..

വരുമരികെ നീയെന്നാലൊരു

വർണ്ണക്കുട നീർത്താം,

ഇണപിരിയാതൊരു സ്നേഹ

കുളിർ മഴയിൽ നനയാം.

തൂമഞ്ഞിൻ ചേല പുതച്ചൊരു,

മയിലാടുംകുന്നിൽ പോകാം

കിളിപാടും കൊമ്പിലിരുന്നൊരു 

മധുരത്തിൻ തേൻ കനി കൊത്താം.

മലനാടിൻ മലനിരകൾ,

മഞ്ഞ തുകിൽ ചാർത്തുമ്പോൾ,

നിറമുള്ളൊരു സന്ധ്യയിലാ-

പ്രണയ പൂംപൊയ്കയിൽ നിന്നും,

സ്നേഹത്തിൻ മധു നുകരാം, 

നീ വരുമെങ്കിലിണമയിലേ…

വിജയം.ആർ.നായർ