അഡിനോയിഡ് ഗ്രന്ധി വളർച്ച കുട്ടികളിൽ സാധാരണ കാണുന്ന ഒരു പ്രശനമാണ്. തൊണ്ടയുടെയും മൂക്കിന്റെയും പിൻഭാഗത്തായി സ്ഥിതിചെയ്യുന്ന ഒരു കൂട്ടം ലിംഫോയിഡ് ടിഷ്യൂ ആണു അഡിനോയിഡ്.ഇവ നമ്മുടെ രോഗ പ്രതിരോധ ശേഷിക്കു വളരെ പ്രധാനമാണ്. മൂക്കിലൂടെ കയറുന്ന വായുവിലെ രോഗാണുക്കളെ ആദ്യമേ പിടിച്ചു കൊല്ലുകയാണു അഡിനോയിഡ്കളുടെ ജോലി. . അതിനാലാണു അതിനെ ഓപ്പറേഷൻ ചെയ്യുന്നതിനു മുൻപ് രണ്ടു വട്ടം ചിന്തിക്കണമെന്നു പറയുന്നത്. മാത്രമല്ല അതു കൗമാരത്തിൽ ചുരുങ്ങാൻ തുടങ്ങി യൗവനത്തിൽ അപ്രത്ക്ഷമാവുകയും ചെയ്യും.
ആധുനിക വൈദ്യ ശാസ്ത്രത്തിൽ സർജറിയും, ആന്റിബയോട്ടിക് ചികിൽസയുമാണു പ്രധാനം. മിക്കവാറും ഓപ്പറേഷനാണു ആധുനിക വൈദ്യ ശാസ്ത്രത്തിൽ ശുപാർശ ചെയ്യാറുള്ളത്. എന്നാൽ അതിന്റെ ആവശ്യം പലപ്പോഴും ഇല്ല എന്ന യാദാർഥ്യം അറിഞ്ഞിരിക്കുക.
അഡിനോയിഡ് വളർന്നാൽ പ്രധാനമായും ശ്വാസതടസ്സമാണു വരുക, ഇടയ്ക്കിടയ്ക്ക് ചെവിയിൽ രോഗാണു ബാധയും വരാം , കുട്ടികൾ മിക്കപ്പോഴും വായ തുറന്നിരിക്കും. അതിനാൽ പല്ലുകൾ പൊങ്ങിവരാം. വായ്തുറന്നിരിക്കുന്നതിനാൽ വായ വരണ്ടു പോകാം.വായയ്ക്കു ദുർഗന്ധം ഉണ്ടാവാം, കൂർക്കം വലിയുണ്ടാകാം. മൂക്കിലൂടെ സംസാരിക്കുന്ന പോലെ ശബ്ദവ്യത്യാസം വരാം.
തലച്ചോറിലേക്ക് രക്തചംക്രമണം കുറയുന്നതിനാൽ പഠന പിന്നോക്കാവസ്ഥ വരാം. ദീർഘകാലം ഈ അവസ്ഥകൾ തുടർന്നാൽ മുഖത്തിനു തന്നെ രൂപമാറ്റം വരാം (adenoid faces).
അഡിനോയിഡ് അമിത വളർച്ച കൂടാതെ ഇവയ്ക്ക് ബാക്റ്റീരിയ, വൈറസ്,എന്നിവ കൊണ്ട് പഴുപ്പ് ബാധിക്കാം,
രോഗാവസ്ഥയുടെ നിജസ്ഥിതി എൻഡോസ്കോപ്പി, എക്സ് റേ, സി ടി, എം ആർ ഐ എന്നിവയിലൂടെ കണ്ടെത്താം.
ഹോമിയോപ്പതിയിൽ അഡിനോയിഡിന്റെ അമിത വളർച്ച നിയന്ത്രിക്കാനും അവയെ സ്വാഭാവിക വലിപ്പത്തിലാക്കാനും അവയ്ക്കുണ്ടാകുന്ന രോഗങ്ങൾ മാറ്റാനുമുള്ള മരുന്നുകൾ ലഭ്യമാണ്.
രോഗം വളരെ ഗുരുതരമാകുന്നതിനു മുൻപ് നല്ല ഒരു ഹോമിയോപ്പതി ചികിൽസകനെ കാണുകയാണെങ്കിൽ അഡിനോയിഡ് ഓപ്പറേഷൻ കൂടതെ പൂർണ്ണമായും സുഖപ്പെടുത്താനാകും.
ഡോ. ടി. ജി. മനോജ് കുമാർ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ