തിരിഞ്ഞുനോട്ടം
ഇടയ്ക്കൊന്ന് തിരിഞ്ഞുനോക്കണം
വഴിയിൽ എവിടെയോ
നീര് വറ്റിയൊരു ഹൃദയം
പാരണ തേടുന്നുണ്ടെങ്കിലോ..?
വിരഹത്തീയിൽ ഉരുകിയുരുകി ഇല്ലാതാവുന്നുണ്ടെങ്കിലോ..?
അവിടെയൊരു പുഞ്ചിരിയായെങ്കിലും പെയ്തുനിറയാൻ കഴിഞ്ഞാലോ…?
കഥ
കഥയില്ലാത്തവളെന്ന്
നിങ്ങൾ വിളിച്ചവൾക്കും
പറയാനുണ്ടായിരുന്നു
കനലുപോലെ വെന്തുരുകി കരിഞ്ഞുപോയ കഥകൾ…
ഇലഞ്ഞിപൂക്കൾ
എന്റെ സായാഹ്നങ്ങൾക്ക്
ഇന്നും
ഇലഞ്ഞിപ്പൂ മണമാണ്..
നീ അവിടെയും വന്ന് പോകാറുണ്ടല്ലേ…?
ശ്രീലക്ഷ്മി എൻ. ആർ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ