തീക്കനൽപക്ഷി

 

തീക്കനൽപക്ഷിയായ് മാറി-

ഇന്നു ഞാൻ തീക്കനൽ പക്ഷിയായ് മാറി..!

എരിയുന്നു ഞാനിന്ന് രാവും പകലും,

കൊത്തിയതൊക്കെയും വെന്തെരിച്ചു!

എരിയുന്ന കണ്ടെൻ്റെ ആത്മ ബന്ധുക്കൾ-

ദണ്ഡം പറഞ്ഞിട്ട് വിട്ടകന്നു !

ദാഹം അകറ്റുവാൻ മാരി തന്നെങ്കിലും,

മമ താപ കോപാഗ്നിയിൽ വറുതിയായി.

കനലിൻ്റെ പ്രഭ കൊണ്ട് ഇന്ന് ഞാനേതോ-

ശലഭങ്ങളെ പ്പോലു മരികിലെത്തിച്ചു..

അവയൊക്കെ ഞാനേതോ പൂക്കളെന്നോർത്തിട്ട്-

ഗാഡം പുണർന്നെൻ്റെ അഗ്നി കൂട്ടി..

കഥന ഭാരത്താൽ മൊഴിയട്ടെ തവ മുന്നിൽ-

കത്തുന്നതത്രെയും ഈ ഹൃദയം.

ജ്വലനം നിലയ്ക്കുന്ന വേളയെത്തുമ്പോൾ-

എല്ലാം ഗ്രഹിച്ചു ഞാൻ ചാരമാകും ..!

അജയ കുമാർ ബി.