ശൂന്യമായ ആത്മാവിലേക്ക്
നിങ്ങൾ ഭൂതകാലത്തെ
കൊണ്ടുവന്നിട്ടുണ്ടോ …..?
ദേഹമാസകലം പൊള്ളുന്ന
ഒരു ഇന്ദ്രിയാനുഭവം
നിങ്ങളിൽ സൃഷ്ടിക്കപ്പെടും
ഇരിക്കാൻ ഇടമില്ലാത്ത ഓർമ്മകൾ
മഞ്ഞിലും മഴയിലും നടക്കാനിറങ്ങും
ജീവനിൽ തന്നെ വസിക്കുന്ന വേദനയിലേക്ക്
മധുരം പകർന്ന് വെക്കും
വിശുദ്ധമായ പുഴയിൽ ഒഴുകി നടക്കുന്ന
സൂര്യപ്രകാശങ്ങളിലേക്ക് ഇറങ്ങി ചെല്ലും !
മരണവുമായുള്ള ഉടമ്പടിയോട്
കലഹിച്ച് നില്ക്കും ….
നിങ്ങൾ , ഭൂതകാലത്തിന്റെ കാട്ടുതീയിൽ
തന്റെ കുട്ടിക്കാലം ആവശ്യപ്പെടും ….
പക്ഷെ, ഇനി കുറച്ചു സമയമേ ഉള്ളൂ
എന്ന സത്യം ഓർമ്മയിൽ നിന്ന് തന്നെ
നിങ്ങൾക്ക് നഷ്ടപ്പെട്ടിരിക്കുന്നു !
സലാം പനച്ചമൂട്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ