എന്നിലെ നീ
പോകെപ്പോകെ
നിന്നിൽ ഞാൻ
വേരറ്റു പോയേക്കാം…
എങ്കിലും
ഒരു വേനലിനും വഴങ്ങാതെ
നീയെന്നിൽ
വീണ്ടും വീണ്ടും
കിളിർത്തുകൊണ്ടേ യിരിക്കും
അന്യർ
നമ്മളന്യോന്യമന്യരായ് തീർന്ന
നമ്മളിടങ്ങളിൽ
ബാക്കിയുണ്ടിപ്പോഴും
ഞാനെന്നും നീയെന്നുമായ്
നാം മുറിഞ്ഞതിൻ
മുറിപ്പാടുകൾ….
സുഹൃത്തിന്
സുഹൃത്തേ
നിന്നെയോർക്കാനാണെനിക്കിഷ്ടം
എനിക്കെന്നെ തന്ന നിന്നെ
വേരുകൾ വരണ്ട്
കരിഞ്ഞുണങ്ങിയപ്പോൾ
നീ പകർന്നേകിയ നീരിൽ
പച്ച വീണ്ടെടുത്ത എന്നെ
ഓർക്കാനാണെനിക്കിഷ്ടം
എന്നിലൂടെ നീയും
നിന്നിലൂടെ ഞാനും
നമ്മളായ് തീർന്നത്
ഓർത്തെടുക്കാനാണെനിക്കിഷ്ടം…
അവൾ
അവളിൽ തുടങ്ങി
അവളാൽ വളർന്ന്
അവളിലൊടുങ്ങുന്ന
ജീവബിന്ദുക്കൾ നാം….
ശ്രീലക്ഷ്മി എൻ.ആർ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ